BALIDEA é unha das empresas máis importantes do sector galego das Tecnoloxías da Información e da Comunicación, estando especializada en servizos de consultoría, desenvolvemento e integración de software, formación especializada e externalización tecnolóxica e de servizos TIC.

O Plan de Igualdade Empresarial (PIE) de Balidea foi deseñado co o obxectivo principal de integrar e formalizar a igualdade entre mulleres e homes como un dos principios fundamentais da política e cultura empresarial da firma, corrixindo as desigualdades existentes na totalidade dos procesos da empresa.

O Plan aprobado pola Dirección da empresa e o Comité de persoal terá vixencia ata finais do ano 2017, e está conformado por 31 medidas distribuídas en 8 áreas de traballo: selección, conciliación e ordenación do tempo traballo-famlia, condicións laborais e retribucións, formación continua, representatividade, comunicación e linguaxe non sexista, coordinación e seguimento, así como outras áreas de intervención. 

En próximas datas o documento estará dispoñible en versión descargable na páxina web de Balidea